علمي علمك ..

بكل الاطة عندما سئلتني المشرفة : هتخشي علمي ولا ادبي .. بكل افتخار علمي يا أبلة !!
ودخلت فصل العلمي ووجدت حشود متحشدة تدف بعضها البعض انا الي هقعد في الكرسي الأمامي
ودي كانت اول حاجة اتخانق واحصل عليها في نفس الوقت قعدت على الكرسي الأمامي .. انتي يابت منك ليها
الطويلة ورا والأوزعة ادام ... ياأبلة انا لابسة نظارة كعب كباية افرضي نسيتها في يوم من الأيام ايه هيكون موقعي الأعرابي ..

خلاص خليكي ادام .. وزي اي بنت فرحانة بأول يوم دراسي في الصف الثالث ثانوي وطلعت ادواتي الجديدة اللي لسة مقفولة بكيستها
المحاية والمسطرة والذي منه
وتبدأ الهمة والنشاط .. والطفلة اللي كانت صغيرة كبرت وهتخلص مدرسة ومش هتتخانق عشان تقعد ادام تاني
العلمي دا ساهل اوي .. عادي حاجة بسيطة تفاضل على تكامل على شوية اجهزة فيزيائية هننجح بعون الله
عاوزينك تطلعي دكتورة اد الدنيا البالطوا الأبيض هيبقى يجنن عليكي .. لالالا مهندسة ولا اقولك صيدلانية
أأأه وماله .. استعنى على الشقا بالله لسة في امل في الجيل الجديد !

ومازالت الجراح غير ملتئمة ما زلت في مجتمع العلمي .. ولذلك انا اقر وبدون اي ضغوط ولا تحت اي تهديد اني لم افلح في جموع القلة وتصاريف الأفعال !